كيف اتعامل مع الطفل الانتقائي

1. لازم تكوني قدوة لطفلك لان طبيعي الطفل حيقلد تصرفاتك وتوجهك انت والعائلة في اختيارات الاكل
2. مشاركة الطفل في تحضير الوجبات او الصفرة او شراء المقاضي جدا مفيد
3. الابداع في تحضير الاكل كام لازم تبدعي في الالوان وتقطيع الاكل بشكل يجذب الطفل ويسهل اكله مرات يكون مايحب الطفل ياكل عشان صعوبة اكله
4. اذا كانت هناك شخصية معينة او كرتون طفلك يحبه ممكن تشتريله صحون او شكل الصفرة فيتحمس يجلس وياكل منها
5. تثقيف الطفل بقراء القصص وتعليمه عن اهمية الاكلات المعينة والكلام معاه وقت الاكل والابتعاد عن التلفزيون ماتتخيلي كيف ممكن يتحمس وبعد كدة تلاقيه بيحكي اصحابه عن اهمية دي الاكلات
6. الاكل الجماعي والاكل كعائله او مع الاصحاب يحمس الطفل للاكل وانهاء طعامه كمان
7. اعطاء الطفل الاحقية في اختيار الاكل بانك تعطيه اختيارين فقط صحيين يساعد انه ياكل اختياره وتساعد كمان في تقوية شخصيته
8. واخر الحلول اذا اضطريت ممكن تكون باستخدام ردة الفعل العكسية بشيء خفيف مثلًا اليوم ماحتاكل دي الاكلة مع انها جداً مفيدة فعقله الباطن يحسسه انه فاته شي مهم يخليه يتحمس ياكلها